आंध्र प्रदेश (Andhra Pradesh) भाजपचे अध्यक्ष सोमू वीरराजू (Somu Veerraju) यांनी राज्यातील जनतेला भारतीय जनता पक्षाला (BJP) मतदान करण्याचं आवाहन केलंय; पण एक अजब आश्वासनही दिलंय. मंगळवारी विजयवाडा (Vijayawada) येथील एका कार्यक्रमात वीरराजू म्हणाले, भाजपला एक कोटी मतं द्या, आम्ही तुम्हाला फक्त 70 रुपयांत दारू देऊ. तसेच जर आमचा आणखी महसूल शिल्लक असेल, तर आम्ही फक्त 50 रुपयांत दारू देऊ, असं आश्वासन त्यांनी जनतेला दिलंय.

सोमू वीरराजू यांच्या या वादग्रस्त विधानानं संतप्त प्रतिक्रिया उमटताना दिसत आहेत. निवडणुका जवळ आल्या की, अनेक नेतेमंडळी अशी वादग्रस्त विधानं करुन चर्चेत राहण्याचा प्रयत्न करत आहेत. काही दिवसांपूर्वी ऑल इंडिया मजलिस-ए-इत्तेहादुल मुस्लिमीन एमआयएमचे अध्यक्ष असदुद्दीन ओवैसी (Asaduddin Owaisi) यांनी देखील अशाच प्रकारचं वादग्रस्त वक्तव्य केलं होतं.