लखनऊ : गोरखपूरमधील गोरखनाथ मंदिराच्या (Gorakhnath Temple Attack) सुरक्षेवर तैनात असलेल्या जवानांवर हल्ला केल्याचा आरोप असलेल्या अहमद मुर्तझा अब्बासीबद्दल वेगवेगळे दावे केले जात आहेत. दरम्यान, अहमद मुर्तजा अब्बासी (Ahemad murtaza abbasi) यांच्याशी संबंधित अनेक माहिती समोर आली आहे. आरोपी अहमद मुर्तजा अब्बासी हा गोरखपूरच्या सिव्हिल लाइन भागातील रहिवासी आहे. मुर्तझा अब्बासी याचे वडील मोहम्मद मुनीर हे अनेक वित्त कंपन्यांमध्ये कायदेशीर सल्लागार होते. (Gorakhnath Temple Attacker profile)

अहमद मुर्तझा अब्बासी यांनी 2015 मध्ये आयआयटी बॉम्बेमधून (IIT Bombay) केमिकल इंजिनिअरिंगमध्ये (Chemical Engineering ) पदवी प्राप्त केली. पदवी पूर्ण केल्यानंतर त्यांनी दोन मोठ्या कंपन्यांमध्ये नोकरी केली. 2015 मध्ये अभियांत्रिकी उत्तीर्ण झाल्यानंतर प्रथम रिलायन्स इंडस्ट्रीजमध्ये (Reliance Industry ) आणि नंतर एस्सार पेट्रोकेमिकल्समध्ये नोकरी केली. 2017 पासून त्यांची मानसिक स्थिती ठीक नसल्याचे कुटुंबीयांचे म्हणणे आहे. अहमद मुर्तझा अब्बासी यांच्यावर अनेक डॉक्टरांनी उपचार केले असून, तो मुंबईत राहत होता. मुर्तझा अब्बासी याच्यावर अहमदाबादसह अनेक शहरांमध्ये उपचार सुरू होते. गेल्या काही वर्षांपासून अहमद मुर्तझा अब्बासी याच्या मित्रांच्या भेटीगाठीही कमी झाल्या होत्या. मुर्तुजा अब्बासी यांचे काका गोरखपूरचे मोठे डॉक्टर असून ते अब्बासी हॉस्पिटलचे मालक आहेत.

एक लग्न फिस्कटले तर दुसऱ्या बोयकोने सोडले

आरोपी मुर्तझा अब्बासीचे पहिले लग्न ठरवाताना चर्चेदरम्यान मोडले होते. अब्बासी याने दुसऱ्या मुलीशी लग्न केले पण तीही सोडून निघून गेली.

सीसीटीव्ही फुटेज आले समोर

दरम्यान, मुर्तझा अब्बासी याने केलेल्या गोरखपूर येथील हल्ल्याचा व्हिडिओ समोर आला आहे. या व्हिडिओमध्ये तो पोलिसांवर हल्ला करताना दिसत आहे. गोरखपूरच्या गोरखनाथ मंदिराच्या गेटवर सुरक्षा जवानांवर हल्ला करून पळून गेलेल्या अली मुर्तझा अब्बासीला लोकांनी पकडण्याचा प्रयत्न केला तेव्हा त्याने अल्लाह-हू-अकबरच्या घोषणा दिल्या.