पणजी : गोवा राज्यातील संचारबंदीमध्ये सात जून पर्यंत वाढ करण्याचा निर्णय सरकारने घेतला आहे. मुख्यमंत्री डॉ प्रमोद सावंत यांनी आता ही माहिती दिली आहे. मुख्यमंत्र्यांनी दिलेल्या माहितीनुसार, आहे त्या स्थितीतच राज्याच्या संचारबंदीमध्ये सात जूनपर्यंत सकाळी 7 वाजेपर्यंत वाढ करण्यात आलेली आहे. जिल्हाधिकारी पातळीवर तसे आदेश जारी केले जातील.

गोव्यामध्ये सध्या संचारबंदी आहे. सकाळी सात ते दुपारी एक या वेळेत जीवनावश्यक वस्तूंची दुकाने खुली असतात. उद्योग धंदे सुरू आहेत. साप्ताहिक बाजार आणि मासळी ते बाजार बंद आहेत. सिनेमागृह, थिएटर्स, तरण तलाव आणि सांस्कृतिक कार्यक्रम ,धार्मिक कार्यक्रम तसेच जाहीर कार्यक्रम बंद आहेत.