नवी दिल्ली - कॉंग्रेस उपाध्यक्ष राहुल गांधी मायदेशी परतताच केंद्रातील मोदी सरकारवर त्यांनी सडकून टीका केली. जीएसटी (वस्तू व सेवाकर) म्हणजे "गई सेव्हिंग तुम्हारी' अर्थात बचतीवर पाणी, असे सांगत मोदी सरकारला टोला लगावला.
राहुल गांधी यांनी या वेळी "जीएसटी'सह अनेक महत्त्वाच्या मुद्द्यांवर त्यांनी केंद्र सरकारवर हल्लाबोल केला. "जीएसटी'तून सरकार अधिक कर गोळा करत आहे. एलपीजीचा "जीएसटी'त समावेश करून नफा कमावण्याचा प्रकार सुरू आहे. त्यामुळे गृहिणींचे स्वयंपाकघराचे बजेट कोलमडले असल्याचेही त्यांनी सांगितले.
दरम्यान, कॉंग्रेस प्रवक्ता अजय माकन यांनी पत्रकार परिषद घेऊन जीएसटीसह अनेक मुद्द्यांवर भाजप सरकारवर टीका केली. "जीएसटी'ची अंमलबजावणी करून हे सरकार अधिक कर मिळवत आहे. या वेळी त्यांनी विदेशी दौऱ्यावरूनही पंतप्रधान नरेंद्र मोदींवर निशाणा साधला. पंतप्रधानांच्या विदेशी दौऱ्यांनी काही साध्य होत नाही. हा त्यांचा 65 वा विदेश दौरा आहे. पंतप्रधान मोदी अनेक देशांचे दौरे करत आहेत. पण त्यातून काहीच हाती लागत नाही. याउलट शेजारी देशांशी संबंध बिघडू लागले आहेत, अशी टीकाही त्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.