अहमदाबाद : गुजरात विधानसभा निवडणुकीच्या पहिल्या टप्प्यासाठी एक हजार ३६२ उमेदवारांनी अर्ज दाखल केले आहेत. राज्य निवडणूक आयोगाने ही माहिती मंगळवारी दिली.

गुजरातचे मुख्यमंत्री व भाजपचे नेते भूपेंद्र पटेल यांनी अहमदाबादमधील घातलोडिया मतदारसंघातून उमेदवारी अर्ज दाखल केला आहे. आम आदमी पक्षाचे मुख्यमंत्रिपदाचे उमेदवार इसूदान गढवी हे द्वारका जिल्ह्यातील खंबालियातून निवडणूक लढवीत आहेत. निवडणुकीच्या पहिल्या टप्प्यासाठी उमेदवारी अर्ज भरण्यास ५ नोव्हेंबरपासून सुरुवात झाली होती. अर्ज स्वीकृतीचा सोमवारी (ता.१४) शेवटचा दिवस होता. अर्ज मागे घेण्याची शेवटची मुदत गुरुवारपर्यंत (ता.१७) आहे.

दुसऱ्या टप्प्यासाठी ९५ अर्ज

राज्यातील कच्छ, सुरेंद्रनगर, मोरबी, राजकोट, जामनगर, देवभूमी द्वारका, पोरबंदर, जुनागड, गीर सोमनाथ, अमरेली, भावनगर, बोटाड, नर्मदा, भरूच, सुर अशा मतदारसंघात पहिल्या टप्प्यात निवडणूक होणार आहे. दुसऱ्या टप्प्यात बनासकांठा, पाटण, मेहसाना, साबरकांठा, गांधीनगर, अरवली, अहमदाबाद आदी जिल्ह्यात निवडणूक होणार असून आतापर्यंत ९५ उमेदवारांनी अर्ज भरले आहे. अर्ज दाखल करण्यासाठी १७ नोव्हेंबर ही अंतिम मुदत आहे.

पहिला टप्प्यासाठी निवडणूक

८९ - एकूण जागा

१ डिसेंबर - मतदानाची तारीख