गुजरात पोलिसांनी कच्छमध्ये असलेल्या मुंद्रा बंदराजवळून ३७६ कोटी ५० लाखांचे अमली पदार्थ जप्त केले आहेत. गुजरात पोलिसांच्या दहशतवाद विरोधी पथकाने ही कारवाई केली आहे. या बंदराजवळ असलेल्या कंटनेरमध्ये संशयास्पद वस्तू असल्याच्या शक्यतेने ही कारवाई करण्यात आली. (Gujrat Drugs News)

हा सर्व माल १३ मे रोजीच या बंदरात दाखल झाल्याचं पोलिसांनी सांगितलं. संयुक्त अरब अमिरातीतून हा माल इथं आल्याचंही समजतंय. या कंटेनरमधले अमली पदार्थ लपवण्यासाठी कार्डबोर्डचे तुकडे वापरण्यात आले होते. तसंच त्यावर निळ्या रंगाचं प्लास्टिकही लावण्यात आलं होतं. हा माल पंजाबमध्ये पाठवण्याचं नियोजन होतं.

सप्टेंबर २०२१ मध्ये याच बंदरावरुन तीन हजार किलो अमली पदार्थ सापडले होते. त्यावेळीही अदानी समूहाच्या मालकीचं हे बंद चर्चेत आलं होतं. तर यावर्षी फेब्रुवारीमध्येही एका जहाजातून २००० कोटींहून अधिक किमतीचं ७५० किलो ड्रग्ज जप्त करण्यात आलं होतं.