Bhaskar Tanna's Controversial Conduct During Virtual Hearing -गुजरात उच्च न्यायालयाने मंगळवारी सुनावणीत व्हर्च्युअली सहभागी झालेले असतानाही, बिअर पिणारे अन् फोनवर बोलणाऱ्या एका वरिष्ठ वकिलाच्या गैरवर्तनाची स्व:हून दखल घेतली आणि संबंधित वकिलाविरोधात अवमान कारवाईही सुरू केली आहे.
न्यायमूर्ती ए.एस.सुपेहिया आणि न्यायमूर्ती आर.टी. वच्छानी यांच्या खंडपीठाने म्हटले की, भास्कर तन्ना यांच्या वर्तनामुळे त्यांचे वरिष्ठ वकिलाची पद काढून घेतले गेले पाहिजे. उच्च न्यायालायने प्रकरणाच्या सुनावणीनंतर पुढील कार्यवाही करण्याचा निर्णय घेतला आहे. सांगितले जात आहे की, ही घटना २५ जून रोजी न्यायमूर्ती संदीप भट्ट यांच्या खंडपीठासमक्ष घडली. या प्रकाराची व्हिडिओ क्लिपही सध्या सोशल मीडियावर तुफान व्हायरल होत आहे.
यासंदर्भात न्यायमूर्ती सुपेहिया यांनी म्हटले की, सोशल मीडियावर व्हायरल होत असलेल्या हायकोर्टाच्या सुनावणीच्या व्हिडिओत दिसते आहे की, सुनावणीत सहभागी असतानाही वरिष्ठ वकील फोनवर बोलत आहेत, एवढंच नाहीतर याचसोबत ते एका मोठ्या ग्लासातून बियरचे घोटही घेत आहेत. हे वर्तन आक्षेपार्ह आहे.
तर याबाबत उच्च न्यायालयाने म्हटले की, वकील तन्ना यांच्या या गंभीर कृत्याचे दूरगामी परिणाम होतील आणि जर याकडे दुर्लक्ष केलं गेलं तर ते कायद्याच्या राज्याशी विनाशकारी ठरेल. तसेच, न्यायालयाने म्हटले की, आम्ही रजिस्ट्रींना वरिष्ठ वकील भास्कर तन्ना यांच्याविरोधात न्यायालयाचा अवमानाची कार्यवाही सुरू करण्याचे निर्देश देत आहोत. रजिस्ट्री पुढील सुनावणीच्या तारखेआधी एक रिपोर्ट सादर करेल. याचसोबत उच्च न्यायालयाने रजिस्ट्रीला तन्ना यांना नोटीस बजवण्याचेही निर्देश दिले आहेत आणि त्यांना खंडपीठासमोर व्हर्चुअली हजर राहण्यास मनाई करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.