Haldwani Banbhoolpura Violence Mastermind Abdul Malik Arrested : उत्तराखंडच्या हल्दवानी जिल्ह्यातीन बनभूलपुरा येथे ८ फेब्रुवारी रोजी हिंसाचाराची घटना घडली होती. या हिसाचाराचा मास्टरमाइंड अखेर पोलिसांच्या तावडीत सापडला आहे. उत्तराखंड पोलिसांचे प्रवक्ते आयजी निलेश भारणे यांनी दिलेल्या माहितीनुसार या प्रकाराचा मास्टरमाइंड अब्दुल मलिक याला पोलिसांनी अटक केली आहे. आरोपी या हिंसाचारानंतर फरार होता आणि त्याचा शोध पोलिसांच्या अनेक पथकांकडून घेणे सुरू होते. पोलिसांनी आरोपीविरोधात लुकआऊट नोटीस देखील जारी केली होती.

विशेष म्हणजे आरोपी अब्दुल मलिक याने हल्दवानीच्या सेशन कोर्टात अंतरीम जामीनासाठी याचिका देखील दाखल केलेली आहे, यावर २७ फेब्रुवारी रोजी सुनावणी होणार आहे. यापूर्वीच दिल्ली पोलीसांनी आरोपीला दिल्लीतून अटक केला आहे. आरोपीच्या वकीलांनी सांगितलं की त्यांना माहिती मिळाली की अब्दुल मलिक याला दिल्लीतून अटक केली आहे, मलिक याचा हिंसाचाराशी काहीही संबंध नाही. जेव्हा हा हिंसाचार झाला त्याच्या तीन-चार दिवसांआधीपासून तो हल्दवानीत नव्हता.