उत्तर प्रदेशातील हाथरस येथे भोले बाबाच्या सत्संगात झालेल्या चेंगराचेंगरी प्रकरणाचा SIT अहवाल समोर आला आहे. यूपीचे डीजीपी प्रशांत कुमार आणि मुख्य सचिव मनोज कुमार सिंह शुक्रवारी सकाळी मुख्यमंत्री योगी आदित्यनाथ यांच्या 5 कालिदास मार्गावरील अधिकृत निवासस्थानी पोहोचले आणि त्यांनी मुख्यमंत्र्यांची भेट घेतली आणि हा अहवाल त्यांना सुपूर्द केला.
एसआयटीचा हा अहवाल एडीजी आग्रा आणि अलिगड आयुक्तांच्या नेतृत्वाखाली तयार करण्यात आला आहे. 15 पानांच्या या सविस्तर अहवालात डीएम आणि एसपीसह सुमारे 100 लोकांचे जबाब नोंदवण्यात आले आहेत. एसआयटी टीमने प्रशासकीय अधिकारी, कार्यक्रमाशी संबंधित लोक आणि सेवा कर्मचाऱ्यांशी चर्चा केली आणि संपूर्ण अपघाताचे कारण आणि प्रचंड गर्दी यासंबंधी सर्व माहिती गोळा केली.
सूत्रांनी दिलेल्या माहितीनुसार, हाथरस डीएम एसपी व्यतिरिक्त भोले बाबाचे नावही एसआयटीच्या तपास यादीत आहे. या सर्वांचे जबाबही नोंदवले जाणार आहेत. अशा परिस्थितीत ही टीम व्यक्तिश: जाऊन भोले बाबाला भेटणार की भोले बाबाला बोलवलं जाणार, असा प्रश्न उपस्थित होत आहे. आतापर्यंत पोलिसांना भोले बाबाचा कोणताही सुगावा लागू शकलेला नाही. अशा स्थितीत बाबांचा जबाब कसा नोंदवला जाणार? याबाबत कोणाकडेही ठोस माहिती नाही.
एडीजी आग्रा झोन अनुपम कुलश्रेष्ठ यांनी सांगितले की, एसआयटीचा तपास सुरू आहे. त्यात अनेकांचे जबाब नोंदवण्यात आले आहेत. यापुढेही अनेकांचे जबाब नोंदवले जातील. आज (शुक्रवारी) सायंकाळपर्यंत तपास पूर्ण झाल्यानंतर अहवाल सरकारला पाठवला जाईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.