Heavy Rain : देशात विविध ठिकाणी मुसळधार पाऊस होत आहे. पर्यायी काही ठिकाणी पावसाने विध्वंसक रूप घेतले आहे. याचा फटका हा गुजरात आणि मध्य प्रदेश या राज्यांना बसला आहे. दोन्हीही राज्यात पावसामुळे नदी नाल्यांना महापूर आला आहे.

माही नदीवर बांधलेला बंधारा ओव्हरफ्लो झाला आहे. तर चंबळ आणि क्षिप्रा नद्यांना सुद्धा पूर आला आहे.पर्यायी रेल्वे वाहतुकीवरही परिणाम होत आहे.

झाबुआ जिल्ह्यातून जाणाऱ्या दिल्ली-मुंबई रेल्वेच्या अप ट्रॅकचा काही भाग खचला आहे. दिल्लीकडे जाणारी रेल्वे वाहतुक विस्कळीत झाली आहे.तर हा ट्रॅक पुन्हा सुरु करण्याचे काम युद्ध पातळीवर सुरु आहे. 300 मजूर आणि तांत्रिक पथके ट्रॅकच्या दुरुस्तीचे कार्य करत आहेत. लवकरच हा ट्रक सुरु होईल अशी आशा केली जात आहे.

तर मुंबई-अहमदाबाद मार्गावरील भरूच आणि अंकलेश्वर स्थानकांदरम्यान रविवारी रेल्वे वाहतूक बंद करण्यात आली होती.याचे कारण म्हणजे, नर्मदेने पाणी धोक्याची पातळी ओलांडली आहे.

अशावेळी प्रवाशांच्या माहितीसाठी रेल्वेने मदतक्रमांक जाहीर केले आहेत.