नवी दिल्ली : राजधानी दिल्लीत आज (मंगळवार) दुपारी मुसळधार पाऊस झाला. दिल्ली आणि एनसीआरसह आसपासच्या परिसरात मुसळधार पाऊस पडला. या मुसळधार पावसामुळे उकाड्याने त्रस्त झालेल्या दिल्लीकरांना थोडासा दिलासा मिळाला आहे. दिल्लीत सकाळीच ढग आले होते. त्यानंतर दुपारनंतर पाऊस झाला.
दिल्ली, गाजियाबाद आणि नोएडासह विविध भागात मुसळधार पाऊस झाला. याबाबत हवामान विभागाने रविवारी वर्तवलेल्या अंदाजानुसार, दिल्ली आणि त्याजवळच्या राज्य असलेल्या पंजाब, हरियाणामध्ये जोरदार पाऊस येऊ शकतो. या विभागाच्या अभ्यासकांनाही पावसाबाबत अंदाज व्यक्त केला होता. हवामान विभागाने दिलेल्या माहितीनुसार स्कायमेट वेदरच्या अंदाजानुसार, जुलै महिन्याच्या सुरुवातीला मान्सून सातत्याने आपली दिशा बदलत आहे. त्यामुळे दिल्ली आणि एनसीआरच्या परिसरात मुसळधार पाऊस बरसत आहे.
रस्त्यांवर पाणीच पाणी
दिल्लीतील विविध भागात मुसळधार पाऊस झाला. त्यामुळे अनेक ठिकाणी पाणीच पाणी झाले होते. मिंटो ब्रिजजवळ मुसळधार पावसामुळे डीटीसीची एक बस आणि दोन रिक्षाही बुडाल्या. तसेच रविवारच्या मुसळधार पावसात मिंटो रोडमध्ये डीटीसी बसवर एक मृतदेहही मिळाला होता.
उत्तर प्रदेशातही पाऊस
उत्तर प्रदेशातील बर्याच जिल्ह्यांत हलका रिमझिम पाऊस पडला. पुढील काही दिवस हरियाणा, पंजाब आणि हिमाचलमध्ये मुसळधार पाऊस पडण्याची शक्यता व्यक्त केली जात आहे. अतिवृष्टीचा विचार करता हवामान खात्याने या राज्यांमध्ये ऑरेंज अलर्ट जारी केला आहे. दक्षिण गुजरातमध्ये अतिवृष्टीचा इशारा हवामान खात्याने दिला आहे. उत्तर प्रदेशमधील मुरादाबाद येथे दोन दिवस मुसळधार पावसामुळे शहरातील अनेक भागात पाणी साचले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.