देशाच्या विविध भागात हिजाबचा वाद (Hijab Controversy) सुरू आहे. यामुळेच कर्नाटकानंतर आता दिल्लीतील शाळांमध्ये ड्रेस कोड जारी करण्यात आला आहे. यामध्ये विद्यार्थ्यांनी धार्मिक कपडे घालून शाळेत येऊ नये, अशा सक्त सूचना देण्यात आल्या आहेत. दक्षिण दिल्ली महानगरपालिकेच्या (SDMC) शिक्षण समितीने शाळांमधील ड्रेस कोडबाबत आदेश जारी केला आहे. शिक्षण समितीच्या अध्यक्षांनी दिलेल्या आदेशात विद्यार्थ्यांनी धार्मिक पोशाख घालून शाळांमध्ये येऊ नये, असे म्हटले आहे. शाळांमध्ये ड्रेस कोड पाळला जाईल.

दक्षिण दिल्ली (Delhi) महानगरपालिकेच्या अंतर्गत चालणाऱ्या प्राथमिक शाळांमध्ये शिकणाऱ्या मुलांसाठी शालेय गणवेश निर्धारित करण्यात आला आहे. ज्यामध्ये शाळकरी मुले खूप सुंदर दिसत आहेत. दक्षिण दिल्ली महानगरपालिका वेळोवेळी मुलांच्या गणवेशाचा (School Dress) रंग बदलत असते, असे दिल्ली महानगरपालिकेच्या शिक्षण विभागाच्या संचालक नितिका शर्मा यांनी जारी केलेल्या आदेशात म्हटले आहे.

शाळेत शिकणाऱ्या मुलांमध्ये श्रीमंत आणि गरिबांच्या संदर्भात एकमेकांबद्दल कोणत्याही प्रकारचा न्यूनगंड निर्माण होत नाही. काही पालक आपल्या मुलांना आपापल्या धर्माचे कपडे घालून शाळेत पाठवत असल्याचे गेल्या काही काळापासून दिसून येत आहे. हे कोणत्याही प्रकारे योग्य नाही. यामुळे मुलांमध्ये असमानतेची मानसिकता निर्माण होईल जी त्यांच्या भविष्यासाठी कोणत्याही प्रकारे चांगली नाही, असेही आदेशात म्हटले आहे.

या सर्व बाबी लक्षात घेऊन सर्व क्षेत्रीय कार्यालयांच्या अधिकाऱ्यांना सूचना देण्यात याव्यात की, शाळेतील मुले त्यांच्या गरजेनुसार ड्रेस कोडमध्येच (Dress code) शालेय स्पर्धा आणि उत्सवांमध्ये येऊ शकतील. सामान्य दिवस फक्त शालेय गणवेशात उपस्थित राहतील.