Hijab Row: कर्नाटक उच्च न्यायालयात हिजाब प्रकरणाबाबत सुनावणी सुरू आहे. यावेळी मुस्लिम विद्यार्थिनींच्या वकिलाने पक्षपातीपणाचा आरोप केला. सरकार फक्त हिजाबचाच मुद्दा का काढततंय. ते म्हणाले की, शाळा आणि महाविद्यालयांमध्ये हिंदू मुली बांगड्या घालतात, तर ख्रिश्चन मुली क्रॉस घालतात. तेव्हा शाळा महाविद्यालयांतून त्यांना बाहेर का पाठवलं जात नाही असा सवाल त्यांनी यावेळी उपस्थित केला. सरकारी आदेशात इतर कोणत्याही धार्मिक प्रतिकांचा उल्लेख केला गेलेला नाही. मग फक्त हिजाबच का? हिजाब घालणाऱ्यांच्या धर्मामुळे तर नाही ना? मुस्लिम मुलींशी होणारा भेदभाव हा पूर्णपणे धर्मावर आधारित आहे असा आरोप त्यांनी युक्तीवादा दरम्यान केला. (Hijab Row Hearing - Karnataka High Court)

हिजाबची मागणी करणार्‍या विद्यार्थिनींच्या वकिल म्हणाले की, जर या बंदीबाबत कोणताही आदेश जारी केला असेल, तर विद्यार्थिनींच्या कुटुंबीयांना किमान वर्षभरापूर्वी त्याची माहिती द्यावी दिली जावी. अधिवक्ता रविकुमार वर्मा यांनी शिक्षण कायद्याचा हवाला देत हे सांगितलं की, कोणताही नियम एक वर्ष अगोदर सांगण्याची तरतूद आहे. यासोबतच या प्रकरणाच्या सुनावणीसाठी हायकोर्टाने कालमर्यादा निश्चित करून हिजाबच्या वादावर लवकरात लवकर निर्णय घ्यावा, अशी मागणीही त्यांनी केली. ते म्हणाले की, कर्नाटक शिक्षण कायद्यात हिजाबवर बंदी घालण्यासारखे काहीही प्रस्तावित नाही.