केरळ : हिजाब प्रकरणावरुन रोज नविन मुद्दे समोर येत आहेत. कर्नाटकच्या मांड्या जिल्ह्यातील व्हिडिओवरून एमआयएमचे (AIMIM) अध्यक्ष असदुद्दीन ओवैसी (Asaduddin Owaisi) यांनी नुकताच एक व्हिडिओ शेअर केला आहे. त्यामध्ये त्यांनी हिजाबचं समर्थन करताना मोठी वक्तव्य केले आहे. दरम्यान, केरळचे (Kerala) राज्यपाल आरिफ मोहम्मद खान (Arif Khan)यांनी ट्विट करत टीका केली आहे. मुस्लिम तरुणींना घरातच ठेवण्याचा कट रचला जात आहे असा आरोप त्यांनी केला आहे.

राज्यपाल आरिफ खान म्हणतात, हिजाब हा वाद नसून मुस्लिम तरुणींना घरात चार भिंतीच्या आत ठेवण्याचा जाणीवपूर्वक केलेला कट आहे. कारण मुली ह्या नेहमीच मुलांनपेक्षा चांगले काम करण्याचा प्रयत्न करतात. त्या मुलांनपेक्षा सर्वच क्षेत्रात पुढे आहेत. त्यांना परीवृत्त करण्यासाठी रजलेला हा डाव आहे. असे मत आरिफ खान यांनी व्यक्त केले आहे.

दरम्यान हा वाद प्राथमिक शाळेपर्यंत पोहोचला असून, बंगळूर (Bengalur) शहरातील एका शाळेत मुलींनी उच्च न्यायालयाच्या आदेशाचे उल्लंघन करून हिजाब घातल्याने मोठा गोंधळ झाला.काल चंद्रा ले आऊटमधील एका शाळेतील काही मुलींना हिजाब काढण्यास सांगण्यात आले. एका शिक्षिकीने वर्गातील बोर्डवर हिजाब आणि मुस्लिम समाजाबद्दल आक्षेपार्ह लिहिल्याचा आरोप करून विद्यार्थी आणि पालकांनी संताप व्यक्त केला. दरम्यान, या आरोपावरून शाळेतील त्या शिक्षिकेला संचालक मंडळाने निलंबित केले आहे.