नवी दिल्ली : हिमाचल प्रदेशमधील विधानसभा निवडणुकीसाठी काँग्रेसने ४६ उमेदवारांची पहिली यादी जाहीर केली आहे. पक्षाचे विधिमंडळ पक्ष नेते मुकेश अग्निहोत्री यांना हरोली मतदारसंघातून, तर माजी मंत्री आशा कुमारी यांना डलहौसी मतदारसंघातून उमेदवारी देण्यात आली आहे.

काँग्रेसने माजी मुख्यमंत्री वीरभद्र सिंह यांचे पुत्र विक्रमादित्यसिंह यांनाही उमेदवारी दिली आहे. उमेदवारी अर्ज भरण्याची अंतिम मुदत २५ ऑक्टोबर आहे. हिमाचलमध्ये १२ नोव्हेंबरला मतदान होणार आहे.