Anurag Thakur: हिमाचल प्रदेशमध्ये निवडणुकांची रणधुमाळी सुरु झालेली आहे. ऐनकेन प्रकारे मतदारांना आकर्षित करण्याचे विविध राजकीय पक्षांचे प्रयत्न सुरु आहेत. आज सुजानपूर येथील एका सभेत केंद्रीय मंत्री अनुराग ठाकूर यांना अश्रू अनावर झाले.
हिमाचल प्रदेशात ६८ विधानसभा मतदारसंघांसाठी ही निवडणूक पार पडणार आहे. यासाठी २५ ऑक्टोबर २०२२ हा उमेदवारी अर्ज दाखल करण्याचा शेवटचा दिवस असेल. २७ ऑक्टोबरला अर्जांची छाननी होईल, तर २९ ऑक्टोबर हा अर्ज मागे घेण्याचा शेवटचा दिवस आहे. त्यानंतर १२ नोव्हेंबर रोजी मतदान पार पडणार असून ८ डिसेंबर रोजी मतमोजणी होणार आहे.
या निवडणुकीमध्ये भाजप तयारीने उतरला आहे. आज सुजानपूर येथे भाजप उमेदवार रणजीत सिंह यांच्यासाठी प्रचारसभेचं आयोजन करण्यात आलं होतं. या सभेसाठी केंद्रीय मंत्री अनुराग ठाकूर यांची उपस्थिती होती.
यावेळी बोलतांना अनुराग ठाकूर म्हणाले की, हमीरपूर या छोट्याश्या जिल्ह्याने माझ्या वडिलांना मुख्यमंत्री केलं आणि मला केंद्रीय मंत्री. मी ज्या खात्याचा मंत्री आहे त्या खात्याचा कारभार कधीकाळी माजी पंतप्रधान स्व. इंदिरा गांधी, चंद्रशेखर, लालकृष्ण अडवाणी यांच्यासह दिग्गज नेत्यांनी सांभाळलेला आहे. हे बोलतांना अनुराग ठाकूर भावूक झाले. त्यांना अश्रू आवरता आले नाहीत. लोकांनी कुटुंबाला दिलेल्या प्रेमामुळे त्यांनी आभार व्यक्त केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.