Crime News : तामिळनाडूतील मदुराई (Tamil Nadu Madurai) इथं एका हिंदुत्ववादी नेत्याची (Hindu leader) निर्घृण हत्या करण्यात आलीये. हिंदू मक्कल काची गटाच्या नेत्याची अज्ञातांनी भोसकून हत्या केली.

मणिकंदन (41 वय) असं मृताचं नाव आहे. दागिन्यांचं दुकान बंद करून ते घरी जात असताना काही लोकांनी त्यांच्यावर कोयत्यानं वार केला.

मृत मणिकंदन हे दक्षिण मदुराई येथील स्थानिक हिंदू गटाचे नेते होते. मणिकंदन यांचं एमके पुरम इथं दागिन्यांचं दुकान आहे. दुकान बंद करून ते घरी निघाले असता, त्यांच्यावर हल्ला करून अज्ञातांनी तेथून पळ काढला.

हल्लेखोरांनी आधी हिंदुत्ववादी नेत्यावर कोयत्यानं हल्ला केला आणि नंतर दगडफेक केली. त्यानंतर मणिकंदनला रुग्णालयात दाखल केलं असता, त्यांना मृत घोषित करण्यात आलं. स्थानिक पोलीस आता या प्रकरणाचा तपास करत आहेत. या हत्येमागील कारण अद्याप पोलिसांना समजू शकलेलं नाही.