नवी दिल्ली : दिल्लीतील राष्ट्रीय एड्स नियंत्रण संस्थेच्या कार्यालयाबाहेर एड्सग्रस्त रूग्णांनी आंदोलन केले आहे. मागच्या काही दिवसांपासून रूग्णांना औषधांचा पुरवठा करण्यात आला नसल्यामुळे हे आंदोलन करण्यात येत असल्याचं रूग्णांनी सांगितलं आहे. दरम्यान लवकरात लवकर औषधं पुरवावेत अशी मागणी करण्यात आली आहे.

(HIV Patient Protest IN Delhi)

HIVच्या निदान होण्यासाठी लागणाऱ्या अँटीरेट्रोव्हायरल औषधांचा तुटवडा निर्माण झाला आहे. दरम्यान मागच्या पाच महिन्यापासून या औषधांचा तुटवडा निर्माण झाला असून दिल्ली आणि त्याच्या शेजारील काही राज्यात ही परिस्थिती निर्माण झाली आहे. त्याचबरोबर राज्यातील अधिकाऱ्यांना आम्ही पत्र लिहित मागणी केली पण त्याचा काही फायदा झाला नाही असं एका रूग्णाने सांगितलं आहे.

"आम्ही आमचा हक्क मागत आहोत, कुणाची भीक नाही मागत...", "आम्हाला पूर्ण औषधे द्या." "आम्हाला गोळ्या द्या, फक्त बोलू नका." अशा आशयाचे पोस्टर घेऊन रूग्णांकडून आंदोलन करण्यात येत आहे. तर "जर अशा औषधांचा तुटवडा पडत असेल तर भारत HIVमुक्त कसा होईल असा सवाल रूग्णांनी यावेळी केला आहे.