अजमेर : हवालदार आणि पोलिस ठाण्याचे एसएचओ यांचे अनेक महिन्यांपासून समलैंगिक संबंध (Homosexual relationship) होते. दोघेही सोशल मीडियाच्या माध्यमातून अश्लील छायाचित्रे चॅट करीत होते. एकदिवस हवालदार प्रदीपने संधी साधून मोबाइलवर एसएचओचा न्यूड व्हिडिओ काढला. यानंतर हवालदाराने एसएचओला ब्लॅकमेल करण्याचा खेळ सुरू केला. एसपींनी या प्रकरणाच्या चौकशीचे आदेश दिले आहे. ही घटना राजस्थानच्या नागौरमध्ये घडली. (Homosexual relationship between SHO and constable; Blackmailing by removing video)

याची सुरुवात आठ महिन्यांपूर्वी झाली होती. जेव्हा एसएचओ आणि हवालदार यांची मैत्री झाली होती. मैत्रीनंतर दोघांची मोबाईल चॅटिंग सुरू झाली. चॅटिंगनंतर ते अश्लील कृत्य करू लागले. नंतर दोघांमध्ये समलैंगिक संबंधही (Homosexual relationship) निर्माण झाले.

परंतु, हवालदारचा हेतू एसएचओला ब्लॅकमेल करण्याचा होता. त्यामुळे त्याने एसएचओचा न्यूड व्हिडिओ (video) बनवला आणि लाखो रुपयांची मागणी करू लागला, असे या प्रकरणाचा खुलासा करताना नागौर जिल्ह्याचे एसपी राममूर्ती जोशी यांनी सांगितले.

अपमानाच्या भीतीने एसएचओने आतापर्यंत सुमारे अडीच लाख रुपये हवालदारला दिले. मात्र, हवालदाराने आणखी पैसे देण्याची मागणी केली. हवालदाराच्या ब्लॅकमेलिंगला (Blackmailing) कंटाळून एसएचओने खिंवसर पोलिस ठाण्यात गुन्हा दाखल केला. याप्रकरणी एसपी राममूर्ती यांनी गांभीर्य दाखवत दोघांनाही निलंबित केले आणि हवालदाराच्या अटकेचे आदेश दिले.

एसपीच्या वतीने या प्रकरणाचा तपास सीओ विनोद कुमार यांच्याकडे सोपवण्यात आला आहे. एसपी म्हणाले की, या प्रकरणामध्ये बरीच माहिती मिळाली आहे. ज्याचा तपास केला जात आहे. खाकीला लाजवेल अशी घटना अघडकीस आल्यानंतर सर्वत्र चर्चा होत आहे.