इंदौरच्या मध्यप्रदेशमध्ये पतीने ब्युटी पार्लरला जाण्यापासून रोखल्यामुळे महिलेने आत्महत्या केल्याची घटना घडली आहे. या महिलेने गळफास लावून घेतला आहे.

ही ३४ वर्षीय महिला मध्य प्रदेशातल्या इंदौर शहरात राहते. तिने आपल्या राहत्या घरी गळफास घेऊन आत्महत्या केली. याबद्दल पोलिसांनी या महिलेच्या पतीकडे विचारपूस केली. तेव्हा या दोघांमध्ये भांडणं झाल्याचं पतीने सांगितलं.

ब्युटी पार्लरला जाण्यावरून या दोघांमध्ये भांडणं झाल्याची माहिती हाती येत आहे. पतीने पोलिसांना सांगितलं की त्याने या महिलेला ब्युटी पार्लरला जाण्यापासून रोखलं होतं. त्यानंतर या महिलेला राग आला. आणि रागाच्या भरात तिने स्वतःला गळफास लावून घेतला.

या प्रकरणी शवविच्छेदन केलं जाईल, तसंच सर्व बाजूंनी तपास केला जाईल, अशी माहिती पोलिसांनी दिली आहे.