वाराणसी: वायनाड दौऱ्यावर असलेल्या काँग्रेस चिटणीस प्रियांका गांधी यांना पत्रकारांनी वाराणसीतून निवडणूक लढवणार का असा प्रश्न विचारला. यावर प्रियांका म्हणाल्या, काँग्रेस अध्यक्षांनी मला सांगितले तर वाराणसीतून निवडणूक लढवण्यास मला आवडेल. यामुळे पंतप्रधान मोदींच्या विरोधात प्रियांका गांधी निवडणूक लढणार या चर्चेला उधाण आले आहे.
वाराणसी लोकसभा मतदारसंघातून पंतप्रधान नरेंद्र मोदींच्या विरोधात काँग्रेसने अद्याप उमेदवार जाहीर केला नाही. या मतदारसंघातून काँग्रेसच्या सरचिटणीस प्रियांका गांधी यांनी निवडणूक लढवावी अशी मागणी कार्यकर्ते आणि काही नेते करत आहे, यावरूनच आज पत्रकारांनी प्रियांका गांधी यांना प्रश्न विचारला होता.
दरम्यान, जम्मू-काश्मीरमधील पुलवामा येथे झालेल्या दहशतवादी हल्ल्यात शहीद झालेले जवान व्ही.व्ही वसंत कुमार यांच्या कुटुंबीयांची प्रियांका गांधी यांनी भेट घेतली. त्यानंतर पत्रकारांशी बोलताना त्यांनी वाराणसी येथील उमेदवारीवरून वरील वक्तव्य केले. काँग्रेसचा मात्र अद्याप वाराणसीबाबत निर्णय झालेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.