तेलंगणात इयत्ता आठवीच्या पाठ्यपुस्तकात मुस्लीम धर्माशी निगडीत एक फोटो वापरला आहे. मात्र हा प्रतिकात्मक फोटो दहशतवाद्यांशी तुलना करत असल्याचं समोर आलंय. यामुळे सर्व मुस्लीम बांधव दहशतवादी असल्याची प्रतिमा तयार होऊ शकते, असा दावा स्टुडंट्स इस्लामिक ऑर्गनायझेशन ऑफ इंडियाने केला आहे. तसेच या संस्थेने राज्य सरकारला हस्तक्षेप करत हा फोटो काढून टाकण्याची मागणी केली आहे. याच्याशी संबंधित खासगी प्रकाशकांवर कारवाई करण्याची विनंती देखील करण्यात आली आहे.

या प्रकरणात, एका माणसाच्या उजव्या हातात रॉकेट लाँचर आणि दुसऱ्या हातात कुराण धरलेलं दाखवलं आहे. सामाजिक अभ्यासाच्या पुस्तकात 'दहशतवाद' असे मथळा देऊन हा धडा समाविष्ट करण्यात आलाय. 'राष्ट्रीय चळवळ - शेवटचा टप्पा 1919 ते 1947' या अध्यायात राजकीय व्यवस्था आणि प्रशासनासंदर्भातील आलेखात हे चित्र प्रकाशित झाले आहे.

हे चित्र मुस्लीम समुदायविषयी रुढीवादी, द्वेषपूर्ण आणि इस्लाविरोधात दृष्टिकोन तयार करत असल्याचे स्टुडंट्स इस्लामिक ऑर्गनायझेशन ऑफ इंडियाने म्हटले आहे. ही भेदभाव आणि द्वेषपूर्ण माहिती आहे. यामुळे समाजाचे सौहार्द, ऐक्य आणि अखंडता नष्ट होते, असेही स्टुडंट ऑर्गनायझेशनने म्हटलं आहे.