नवी दिल्ली - ‘‘ भारत विकासासाठी अन्य देशांना सहकार्य करताना अटी घालत नाही तसेच विकासाच्या नावाखाली आम्ही शेजारी देशांवर आमच्या अटी मानण्याची सक्तीही करत नाही,’’ असे सूचक प्रतिपादन करत पंतप्रधान नरेंद्र मोदी यांनी आज चीनला टोला लगावला.

मोदी यांनी मॉरिशसचे पंतप्रधान प्रवींद्र जगन्नाथ यांच्यासह त्यांच्या देशातील सर्वोच्च न्यायालयाच्या नव्या इमारतीचे  व्हिडिओ कॉन्फरन्सिंगद्वारे उद्‌घाटन केले. ४७०० स्वे.मीटर परिसरातील ही इमारत बांधण्यासाठी भारताने ३५.३ कोटी डॉलरचे विशेष अर्थ व तांत्रिक सहाय्य दिले आहे. भारताच्या परराष्ट्र मंत्रालयाच्य मदतीने ही इमारत मुदतीआधीच बांधून तयार करण्यात आली आहे. याशिवाय मॉरेशियस मेट्रोचा पहिला टप्पा व ईएनटी अत्याधुनिक रुग्णालयासाठीही भारताने त्या देशास मदत केली आहे. प्रवींद्र जगन्नाथ यांनीही आजच्या कार्यक्रमात हिंदीतून भाषण केले. 

ताज्या बातम्यांसाठी डाऊनलोड करा ई-सकाळचे ऍप   

कोरोनाच्या महामारीवर मात करण्यासाठी केलेल्या कुशल व्यवस्थापनाबद्दल मॉरेशियस सरकार व तेथील जनतेचे अभिनंदन करून मोदी म्हणाले की ‘‘आमचे विकास सहकार्य कोणत्याही अटी व शर्तींच्या आडून येत नाही.’’ 

पुण्याच्या बातम्या वाचण्यासाठी येथे ► क्लिक करा

मोदी जी, तुमच्या सहकार्याबद्दल देश व जनता भारताचे आभारी आहोत. 
- प्रवींद्र जगन्नाथ,  पंतप्रधान मॉरिशस