देशातील नव्या रुग्णांच्या संख्येत जवळपास निम्मे रुग्ण हे केरळमधील असल्याचं चित्र गेल्या काही आठवड्यात दिसून येत आहे.
जगातील काही देशात पुन्हा कोरोनाने डोके वर काढले असताना भारतात मात्र दिलासादायक असं वातावरण आहे. देशातील कोरोना रुग्णांची संख्या दिवसेंदिवस कमी होत आहे. जवळपास दीड वर्षानंतर कोरोनाच्या नव्या रुग्णांची संख्या ८ हजारांच्या खाली आली आहे. देशात सोमवारी दिवसभरात ७ हजार ५७९ नवे रुग्ण आढळले. तर १२ हजार २०२ जण कोरोनामुक्त झाले. गेल्या २४ तासात २३६ जणांचा मृत्यू झाला असल्याची माहिती देशाच्या आरोग्य मंत्रालयाकडून देण्यात आली आहे.
देशातील सक्रीय रुग्णांच्या संख्येतही घट होत आहे. सध्या देशात १ लाख १३ हजार ५८४ रुग्ण कोरोनावर उपचार घेत आहे. गेल्या ५३६ दिवसातील ही सर्वात कमी संख्या आहे. तसंच एकूण कोरोना रुग्णांच्या तुलनेत एक टक्क्यांहून कमी प्रमाण आहे. मार्च २०२० पासून आतापर्यंत हे सर्वात कमी प्रमाण असून सध्या एकूण रुग्णांच्या ०.३३ टक्के इतके सक्रीय रुग्ण आहेत.
भारतातील कोरोना रुग्णांची संख्या कमी होत असतानाच केरळमध्येही दिलासा मिळत आहे. मात्र तरीही देशातील इतर राज्यांच्या तुलनेत केरळमध्ये रुग्णांची संख्या सर्वाधिक आहे. देशातील नव्या रुग्णांच्या संख्येत जवळपास निम्मे रुग्ण हे केरळमधील असल्याचं चित्र गेल्या काही आठवड्यात दिसून येत आहे. सोमवारीसुद्धा नव्या ७ हजार ५७९ रुग्णांमध्ये ३ हजार ६९८ जण हे केरळमधील होते. तर कोरोनामुक्त झालेल्यांची संख्या ७५१५ इतकी होती. तर काल दिवसभरात केरळमध्ये कोरोनामुळे ७५ जणांचा मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.