Unemployment Rate in India : देशात तसेच जगभरात कोरोना रुग्ण वाढत आहेत, त्यातच कोरोनाचा नवीन व्हेरिएंट देखील वेगाने पसरत आहे. या दरम्यान डिसेंबरमध्ये भारतातील बेरोजगारीचा दर (Indias Unemployment Rate) चार महिन्यांच्या उच्चांकावर पोहोचला आहे. सेंटर फॉर मॉनिटरिंग इंडियन इकॉनॉमी (Centre for Monitoring Indian Economy ) च्या आकडेवारीतून ही बाब समोर आली आहे. यासाठी मोठ्या प्रमाणावर कोरोनाचे नवीन व्हेरिएंट ओमिक्रॉन (Omicron Variant) जबाबदार असल्याचे मानले जात आहे.
या संदर्भात जारी केलेल्या रीपोर्टमध्ये म्हटले आहे की अनेक राज्यांमध्ये ओमिक्रॉन प्रकरणांमध्ये वाढ झाल्यानंतर देशातील आर्थिक व्यवहार आणि ग्राहकांची मानसीकता प्रभावित झाली आहे.
बेरोजगारीचा दर ७.९ टक्क्यांवर
आज जाहीर झालेल्या CMII रिपोर्टनुसार, डिसेंबरमध्ये बेरोजगारीचा दर वाढून ७.९ टक्क्यांवर पोहोचला आहे, जो नोव्हेंबरमध्ये ७.९ टक्के होता, हा ऑगस्टमधील ८.३ टक्क्यांनंतरचा हा उच्चांक आहे. विशेष म्हणजे, मे 2021 मध्ये भारतात सर्वाधिक बेरोजगारीचा दर नोंदवला गेला. या महिन्यात तो 11.84 टक्क्यांच्या उच्चांकावर पोहोचला होता. मुंबईस्थित CMIE कडून बेरोजगारीवर बारकाईने लक्ष ठेवले जाते, कारण सरकारकडून मासिक आकडेवारी जाहीर केली जात नाही.
ओमिक्रॉन व्हेरिएंटचा प्रभाव
डिसेंबरमध्ये शहरी बेरोजगारीचा दर मागील महिन्यातील ८.२ टक्क्यांवरून ९.३ टक्क्यांवर पोहोचला, असे सेंटर फॉर मॉनिटरिंग इंडियन इकॉनॉमीच्या आकडेवारीवरून दिसून येते. याशिवाय, ग्रामीण भागात बेरोजगारीचा दर ६.४ टक्क्यांवरून ७.३ टक्क्यांवर पोहोचला आहे. CMIE च्या वेबसाइटवर प्रकाशित केलेल्या माहितीनुसार, Omicron प्रकरणांमध्ये वाढ झाल्यानंतर आर्थिक कामकाज आणि ग्राहकांच्या मनस्थितीवर परिणाम झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.