नवी दिल्ली : जम्मू आणि काश्मीरमध्ये भारतीय लष्कराच्या ताफ्यावर दहशतवादी हल्ला झाल्याची घटना समोर आली आहे. या घटनेत चार जवान शहीद झाले आहेत. तर इतर चार जण जखमी झाले आहेत. आपल्या जवानांनीही याला जोरदार प्रत्युत्तर दिलं. दरम्यान, अद्यापही इथं चकमक सुरु आहे. (Indian Army convoy attacked by terrorists in Machedi area of Kathua district in Jammu and Kashmir)

एएनआयच्या माहितीनुसार, जम्मू आणि काश्मीरच्या कठुआ जिल्ह्यातील मशेडी भागात लष्करी जवानांच्या ताफ्यावर हा हल्ला झाला आहे. हा भाग भारतीय लष्कराच्या 9 Corps अंतर्गत येतो. दहशतवाद्यांच्या हल्ल्यानंतर आपल्या जवानांनी देखील त्यांना चोख प्रत्युत्तर दिलं.

दरम्यान, या ताफ्यात एकूण जवान होते याची माहिती कळू शकलेली नाही. पण यामधील चार जवानांचा मृत्यू तर चार जण जखमी झाले आहेत. जखमींवर जवळच्या रुग्णालयात उपचार सुरु आहेत. जवानांनी देखील दहशतवाद्यांना चोख प्रत्युत्तर दिलं पण त्यात किती दहशतवादी मारले गेले हे आद्याप कळू शकलेलं नाही.