Research Vessel: तांत्रिक अडचणींमुळे गोवा आणि कारवार दरम्यान अडकलेल्या भारत सरकारच्या संशोधन जहाजाची भारतीय तटरक्षक दलाने सुटका केली. जहाजात एकूण ३६ लोक होते.

२८ क्रू सदस्य, ८ वैज्ञानिक या जहाजात होते. या सर्व सदस्यांना आता सुरक्षित गोव्याच्या दिशेने आणले जात आहे. कोस्ट गार्ड डीआयजी केएल अरुण यांनी ही माहिती दिली.

हे जहाज महत्वाचे होते. भारत सरकारचे हे संशोधन जहाज आहे. काल दुपारी ३ च्या सुमारास या जहाजात तांत्रिक अडचण निर्माण झाली होती. म्हणून आम्ही लगेच आमचे जहाज पाठवले. सायंकाळी ५ वाजता आमचे जहाज पोहोचले. ही एक अतिशय महत्त्वाची राष्ट्रीय संपत्ती आहे कारण ते एक संशोधन जहाज आहे, असे एल अरुण यांनी सांगितले. 

तटरक्षक दलाने एका अधिकृत निवेदनात म्हटले आहे की, 'सिंधू साधना' हे संशोधन जहाज इंजिनमध्ये बिघाड झाल्याने निकामी झाले होते, हे जहाज समुद्रकिनाऱ्याच्या दिशेने ३ नॉट्स वेगाने वाहत होते. (latest marathi news)

२६ जुलै रोजी दुपारी १ च्या सुमारास कोस्ट गार्ड मुख्यालय, गोवा यांना संकटाचा फोन आला तेव्हा जहाज जमिनीपासून सुमारे २० समुद्री मैलांवर होते. कॉल मिळाल्यावर, भारतीय तटरक्षक दल ताबडतोब दखल घेत बचाव कार्य सक्रिय केले. भारत सरकारच्या संशोधन जहाजाच्या सुटकेसाठी पहिले जहाज सायंकाळी ५ वाजता आणि दुसरे जहाज रात्री पोहोचले.