बंगळूर : भारतीय परंपरांची मानसिक आरोग्य चांगले ठेवण्यातील भूमिका लक्षात घेऊन त्यांचा वैद्यकीय अभ्यासक्रमात समावेश व्हावा, असे मत केंद्रीय आरोग्यमंत्री मनसुख मंडाविया यांनी व्यक्त केले.

जागतिक मानसिक आरोग्य दिनानिमित्त आयोजित कार्यक्रमात ते म्हणाले, की मानसिक आजार बरे करण्याचा पारंपरिक मार्ग आपण समजून घेण्याची गरज आहे. त्यामुळे, या पंरपरांची भूमिका लक्षात घेऊन आपण त्यांचा अभ्यासक्रमात समावेश करू शकतो का, याबाबत मी विचार करत आहे.’’

आपले सर्व सण मानसोपचाराचा एक भाग आहेत. धार्मिक किंवा सामाजिक कार्यक्रम, संमेलने, दररोज सकाळी म्हटल्या जाणाऱ्या प्रार्थना, आरती या सर्वांचा मानसिक आरोग्याशी संबंध आहे. या परंपरा मानसिक समस्या दूर करण्यासाठी वापरल्या जात असत.

- मनसुख मंडाविया, केंद्रीय आरोग्यमंत्री