Desi Aunties Dance : आपल्यापैकी अनेक जण या ना त्या कारणाने सोशल मीडियावर काही ना काही शेअर करत असतो. यादरम्यान अशा अनेक गोष्टी, व्हिडिओ बघण्यात येतात जे बराच काळ आपल्या आठवणीत राहतात. असाच एक व्हिडिओ सध्या सोशल मीडियावर धुमाकूळ घालत असून, यामध्ये काही महिला डान्स करताना दिसून येत आहे. हा व्हिडिओ पाहिल्यानंतर तुमच्या मनातदेखील कुठे गेली ग्रॅव्हिटी असा प्रश्न नक्कीच उपस्थित राहिल.

व्हायरल होणाऱ्या व्हिडिओमध्ये महिलांचा एक गट मजेशीर पद्धतीने नाचताना दिसत असून, ढोलच्या तालावर महिलांचे किलर एक्सप्रेशन आणि सुपर फास्ट डान्सच्या स्टेप्सने सोशल मीडियावर खळबळ उडवली आहे. नेटिझन्सनी गमतीने या महिलांच्या डान्सला झिरो ग्रॅव्हिटी डान्स असे संबोधले आहे.

महिलांच्या या डान्सवर अनेक नेटिझन्सकडून मजेदार केमेंट्सदेखील दिल्या जात आहेत. त्यात अनेकांनी कुठे गेली ग्रॅव्हिटी असा प्रश्न उपस्थित केला आहे. तर, काहींनी कमेंटमध्ये महिलांच्या डान्स स्टेप्सचे नाव विचारले आहे.