नवी दिल्ली : कोरोना विषाणूंची लागण झालेला दुसरा रुग्ण भारतात सापडला असून, केरळमध्ये हा रुग्ण असून, त्याच्यावर उपचार सुरु आहेत.
केंद्रीय अर्थ मंत्रालयाने याबाबतची माहिती आज (रविवार) स्पष्ट केली. केरळमध्येच तीन दिवसांपूर्वी कोरोनाचा पहिला रुग्ण आढळला होता. चीनमधील वुहान प्रांतातील वैद्यकीय महाविद्यालयात शिक्षण घेणाऱ्या या विद्यार्थिनीमध्ये कोरोना विषाणूंचा संसर्ग झाल्याचे लक्षात आल्यानंतर तिला तत्काळ विशेष कक्षात ठेवण्यात आले. आता त्यानंतर तिची रवानगी वैद्यकीय महाविद्यालयात करण्यात आली असून येथे कोरोना विषाणूंची लागण झालेल्या रुग्णांवर उपचारासाठी विशेष कक्षाची निर्मिती करण्यात आली आहे. आता दुसरा रुग्णही सापडला आहे.
चीनमध्ये या विषाणूची लागण झाल्याने सुमारे 300 जणांचा मृत्यू झाला आहे. तर, चीनमध्ये अडकलेल्या भारतीयांना विशेष विमानाने भारतात आणले जात आहे. चीनसह 20 देशांमध्ये या रोगाची लागण झाली आहे. सरकारने प्रसिद्ध केलेल्या निवेदनानुसार, केरळमध्ये दुसरा रुग्ण आढळला असून, तो चीनमधून भारतात आलेला आहे. सध्या त्याची प्रकृती स्थिर आहे. त्याच्यावर लक्ष ठेवण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.