नवी दिल्ली : इंडिगोच्या विमानातील एका प्रवाशाला गुरुवारी आगरतळा विमानतळावर विमानाचे इमर्जन्सी गेट उघडण्याचा प्रयत्न केल्याबद्दल आणि क्रू मेंबर्सशी गैरवर्तन केल्याबद्दल अटक करण्यात आली. पोलिसांनी ही माहिती दिली.

त्रिपुरा पोलिसांचे प्रवक्ते ज्योतिस्मान दास चौधरी यांनी सांगितले की, बिस्वजित देबनाथ (41) हा प्रवासी गुवाहाटी-अगरतळा इंडिगो फ्लाइटमध्ये उड्डाण करत होते. त्याने विमानाचे इमर्जन्सी गेट उघडण्याचा प्रयत्न केला. यावेळी त्याला सहप्रवाशांनी मागे खेचले.

ज्योतिस्मान दास चौधरी म्हणाले, “जेव्हा क्रू मेंबर्सनी त्याला त्याच्या सीटवर बसण्यास सांगितले, तेव्हा देबनाथने त्यांच्याशी गैरवर्तन केले. "देबनाथ दारूच्या नशेत असल्याचा आरोप सहप्रवाशांनी केला आहे." आगरतळा येथील महाराजा बीर बिक्रम विमानतळावर विमान उतरल्यानंतर आरोपी देबनाथला पोलिसांनी अटक केली.