Anil Ambani: अनिल अंबानी सध्या मुंबईच्या ईडी कार्यालयात असून त्यांची चौकशी सुरू असल्याची माहिती आहे. अनिल अंबानी यांची फेमा कायद्याच उल्लंघन केल्याप्रकरणी चौकशी सुरू आहे.

उद्योगपती अनिल अंबानी सोमवारी (3 जुलै) मुंबईतील अंमलबजावणी संचालनालय (ED) कार्यालयात पोहोचले. येस बँकेच्या कर्ज प्रकरणात बँकेचे सह-संस्थापक राणा कपूर यांना अटक करण्यात आलेल्या प्रकरणात अनिल अंबानी यापूर्वी 2020 मध्ये ईडीसमोर हजर झाले होते.

सकाळी 10 वाजता अंबानी ईडी मुंबईच्या कार्यालयात पोहोचले तर त्यांच्या कार्यालयाचे अधिकारी बाहेर थांबले होते. परकीय चलन व्यवस्थापन कायदा, 1999 (FEMA) अंतर्गत चौकशी सुरू आहे.

गेल्या वर्षी सप्टेंबरमध्ये, मुंबई उच्च न्यायालयाने 420 कोटी रुपयांच्या करचोरी प्रकरणात अंबानींना दिलासा दिला होता. तसेच आयकर विभागाला अनिल अंबानींवर कोणतीही जबरदस्ती कारवाई करू नये असे सांगितले होते.

मार्च 2020 मध्ये, अनिल अंबानी यांना अंमलबजावणी संचालनालयाने (ED) YES बँकेच्या एक्सपोजरच्या संदर्भात ADAG च्या स्थानाबाबत चौकशी केली होती.

रिलायन्स समूहाच्या प्रवक्त्यानुसार, अंबानी यांनी ईडी अधिकाऱ्यांना सांगितले होते की, ADAG आणि येस बँक यांच्यातील सर्व व्यवहारांमध्ये कायद्याचे आणि आर्थिक नियमांचे पालन केले आहे.

येस बँकेचे संस्थापक राणा कपूर आणि इतरांच्या संबंधात, अंबानी म्हणाले होते की, रिलायन्स समूहाचा कपूर, त्यांची पत्नी किंवा मुली किंवा त्यांच्याद्वारे नियंत्रित कोणत्याही संस्थेशी प्रत्यक्ष किंवा अप्रत्यक्ष संपर्क नाही.