भुवनेश्‍वर - लोहमार्गांची दैनंदिन पाहणी, तपासणी व दुरुस्तीसाठी रेल्वे कर्मचारी आता सायकलचा वापर करणार आहेत. यासाठी भारतीय रेल्वेने वैशिष्टपूर्ण ‘रेल सायकल’ तयार केली आहे, अशी माहिती पूर्व तटवर्ती रेल्वे विभागाने (ईसीओआर) एका प्रसिद्धीपत्रकाद्वारे मंगळवारी (ता.२६) दिली. सध्या या कामांसाठी रुळावरून जाणाऱ्या छोट्या ढकलगाडीचा ( रेल्वे डॉली) वापर केला जात आहे. ‘ईसीओआर’च्या खुर्दा विभागातील ‘पर्मनंट वे (पी-वे) या केंद्रात ती नावीन्यपूर्ण रेल सायकल तयार केली आहे. 

रेल सायकलची वैशिष्ट 
- रुळांवर सायकलचा तोल सांभाळण्यासाठी नादुरुस्त रेल्वे डॉलीच्या चाकांचा वापर. 
- कमाल वेग ताशी १५ किलोमीटर 
- वजन फक्त ३० किलो. 
- हलक्या वजनामुळे सहज उचलता येते. 
- सुटे भाग करून जोडणी करणे शक्य. 

ताज्या बातम्यांसाठी डाऊनलोड करा ई-सकाळचे ऍप

उपयुक्तता 
१) सध्या तपासणीसाठी कर्मचाऱ्याला पायपीट करावी लागते. 
२) रेल सायकलमुळे लोहमार्गांची तपासणी व निरीक्षण (विशेषतः पावसाळ्यात) सहज करण्यास मदत. 
३) पाऊस काळ, मार्गातील पूल आणि काही असुरक्षित ठिकाणी कर्मचाऱ्याला कमी वेळेत पाहणी करता येणार. 
४) पावसामुळे येणारे पाहणीत येणार अडथळे दूर होणार 
५) उन्हाळ्यात गस्त घालणे शक्य होणार 
६) कोरोनामुळे सध्या बंद असलेल्या लोहमार्गांवर गस्त घालून रुळांची सुरक्षितता तपासता येणार 

जगभरातील इतर बातम्या वाचण्यासाठी येथे क्लिक करा