हरजिंदर सिंग यांची ऑटोरिक्षा ही दिल्लीच्या रस्त्यावर धावणाऱ्या शेकडो हिरव्या आणि पिवळ्या ऑटोरिक्षांपैकी एक आहे. त्यांची ऑटोरिक्षा बाहेरून हुबेहुब इतर ऑटोरिक्षांसारखी दिसते पण वेगळी आहे. या ऑटोरिक्षावर एक खास संदेश लिहिला आहे. ते त्यांच्या रिक्षामध्ये प्रथमोपचार किट ठेवतात ज्यामध्ये बँडेज, औषधे, बर्न क्रीम, अँटीसेप्टिक लोशन इत्यादी असतात. 80 वर्षीय हरजिंदर सिंग गेल्या ५ दशकांपासून दिल्लीत मोफत ऑटो अँब्युलन्स चालवत आहेत.

नवभारत टाईम्सच्या रिपोर्टनुसार, हरजिंदर सिंग १९६४ पासून दिल्लीच्या रस्त्यावर ऑटोरिक्षा चालवत आहेत. याआधी ते ट्रॅफिक वॉर्डन होते. ते ऑटोरिक्षा युनियनचे सरचिटणीसही राहिले आहेत. पाच दशकांहून अधिक काळ ते ऑटोरिक्षा चालवत आहे, पण त्याला वाहतूक पोलिसांनी कधीही अडवले नाही किंवा एकदाही त्यांना दंड ठोठावलेला नाही.

हरजिंदर त्यांचा मोठा मुलगा आणि त्यांच्या कुटुंबासह दिल्लीतील भजनपुरा येथे राहतात. ते सकाळी ८ वाजता कामावर निघतात. रस्त्यावर ज्यांना गरज आहे त्यांना आम्ही मदत करतो.

हरजिंदर सिंग यांना शहरात आलेल्या पुरामुळे दिल्लीच्या रस्त्यावर मोफत ऑटो अँब्युलन्स चालवण्याची प्रेरणा मिळाली. त्यांनी पूरग्रस्त भागात मदत दिली. पुराचा कहर संपला पण हरजिंदर यांनी आपली सेवा सुरूच ठेवली. हरजिंदर सांगतात की याच सुमारास त्यांनी मोफत ऑटो अँब्युलन्स सेवा सुरू केली.

हरजिंदर त्यांच्या ऑटोरिक्षा उर्फ ​​मोफत ऑटो अँब्युलन्समध्ये आवश्यक औषधे घेऊन जातात. या ऑटोमध्ये दानपेटीही बसवण्यात आली आहे. ते प्रवाशांना देणगी देण्याचे आवाहन करत नाहीत, लोक जे काही देणगी देतात ते ते स्वेच्छेने स्वीकारतात. हरजिंदर दान केलेल्या पैशातूनच औषधे खरेदी करतात. हरजिंदरचे वय खूप झाले असले तरी शेवटच्या श्वासापर्यंत जनतेची सेवा करत राहणार असल्याचे ते सांगतात.