जम्मू : जैश-ए-मोहम्मद या कुख्यात दहशतवादी संघटनेच्या दोन दहशतवाद्यांचा खात्मा भारतीय लष्करातील जवानांनी आज (शनिवार) केला. यातील एकजण जैश-ए-मोहम्मदचा टॉप कमांडर असून, मुन्ना लाहोरी असे त्याचे नाव आहे. तो या संघटनेतील बॉम्ब एक्सपर्ट म्हणून ओळखला जात होता.

मुन्ना लाहोरीने 17 जून रोजी IED ब्लास्ट घडवला होता. त्याच्या याच कृत्याचा सूड भारतीय सुरक्षा दलाने घेतला. मुन्ना लाहोरी हा IED स्फोटके बनवण्यात तज्ज्ञ होता. आज त्याचा खात्मा करण्यात आला. मार्च महिन्यात सुरक्षा दलांवर झालेल्या बॉम्ब हल्ल्यातही मुन्ना लाहोरीचा सहभाग होता. 

दरम्यान, काल (शुक्रवार) रात्रीपासूनच सुरक्षा दल आणि दहशतवाद्यांमध्ये चकमक सुरु होती. या चकमकीत दोन दहशतवाद्यांचा खात्मा करण्यात आला.