नवी दिल्ली - भारतीय सुरक्षादलांच्या कारवाईला मोठं यश आलं आहे. मसूद अजहरच्या जवळचा मानला जाणाऱ्या जैशच्या टॉप कमांडरचा भारतीय सैन्याने खात्मा केला आहे. काश्मीरमधील पुलवामामध्ये जैशचा टॉप कमांडर आणि इतर तीन दहशतवाद्यांचा सुरक्षादलांच्या कारवाईत मृत्यू झाला आहे.  जैशचा टॉप कमांडर हा जैश ए मोहम्मदचा प्रमुख मसूद अजहर याचा अत्यंत जवळचा मानला होता. 

ताज्या बातम्यांसाठी डाऊनलोड करा ई-सकाळचे ऍप

पुलवामा जिल्ह्यातील कंगन भागात दहशतवादी लपून बसले असल्याची माहिती सुरक्षा दलांना मिळाती होती. त्यानुसार संपूर्ण परिसराची घेराबंदी करुन सर्च ऑपरेशन सुरु करण्यात आले होते. यावेळी अस्तान गल्लीमध्ये दहशतवादी लपल्याचे सुरक्षा दलांना कळाले. यावेळी सुरक्षा दलांनी दहशतवाद्यांना शस्त्र टाकून शरण येण्यास सांगितले होते. मात्र, चौहूबाजूने घेरलेले पाहून दहशतवाद्यांनी गोळीबार सुरु केला. त्यामुळे भारतीय सैन्यालाही प्रत्युत्तर द्यावे लागले. सकाळी साडे नऊच्या सुमारास दहशतवादी आणि भारतीय सैन्यांमध्ये चकमक सुरु होती. त्यानंतर जवळपास दोन तास चाललेल्या चकमकीत 3 दहशतवाद्यांचा खात्मा करण्यात आला. मारल्या गेलेल्या तीन दहशतवाद्यांपैकी एकाची ओळख पटली असून त्याचे नाव इकरम उर्फ फौजी भाई असे आहे.

देशातील कोरोनाग्रस्तांचा आकडा 2 लाखांच्या पार; मंगळवारी सर्वाधिक रुग्णांची नोंद

भारतीय सैन्य आणि दहशतवादी यांच्यात झालेल्या या चकमकीत सुरक्षा दलाचा एक जवान जखमी झाला आहे. तसेच चकमक झालेल्या जागेतून मोठ्या प्रमाणात शस्त्र आणि दारुगोळा जप्त करण्यात आला आहे. सुरक्षा दलांचे सर्च ऑपरेशन अजूनही सुरुच आहे.

चीनला धडा शिकवण्यासाठी 50 लाख भारतीयांनी केले हे ॲप डाउनलोड