जम्मू-काश्मीर : जम्मू-काश्मीरमधील श्रीनगरमध्ये दहशतवाद्यांनी आज मंगळवारी सुरक्षा दलावर निशाणा साधला. सुरक्षा दलावर ग्रेनेड हल्ला करण्यात आला असून यामध्ये काही नागरिक देखील जमखी झाल्याची माहिती मिळत आहे. याबाबतची अधिक माहिती येणे अद्याप बाकी आहे.

आज २ वाजून ४० मिनिटांनी एका दहशतवाद्याने SSB च्या बंकरला ग्रेनेडने लक्ष्य केले. यामध्ये सुरक्षा दलाच्या जवानांना कोणतीही इजा झालेली नाही, अशी माहिती सीआरपीएफचे DIG किशोर प्रसाद यांनी दिली आहे.

हरि सिंह हाय स्ट्रीट भागामध्ये दहशतवाद्यांनी सुरक्षादलांवर ग्रेनेडचा हल्ला केला. मात्र, त्यांच्या या हल्ल्यामध्ये निशाणा चुकल्यामुळे ग्रेनेड रस्त्यावर पडलं. त्यानंतर मोठा स्फोट झाला. या अचानक झालेल्या स्फोटामुळे चार ते पाच स्थानिक नागरिक जखमी झाले आहेत. त्यांना उपचारांसाठी हॉस्पिटलमध्ये भरती करण्यात आलं आहे. यासोबतच हल्लेखोरांच्या शोधासाठी संबंधित भागामध्ये तपासकार्य सुरु करण्यात आले आहे.

याआधी सकाळीच दक्षिण काश्मीरमधील शोपियां जिल्ह्यातील जैनपोरामधील कालचक्र भागात सीआरपीएफवर दहशतवाद्यांनी गोळीबार केला. या गोळीबारात एक जवान जखमी झाला आहे, त्याच्यावर सध्या उपचार सुरु आहेत.