मुंबई : 'जेट एअरवेज'चे संस्थापक अध्यक्ष नरेश गोयल यांच्या निवासस्थानी सक्तवसुली संचलनालयाच्या (ईडी) अधिकाऱ्यांनी छापे टाकले, त्यानंतर त्यांना ताब्यात घेण्यात आले आहे.
नरेश गोयल आणि त्यांच्या पत्नी अनिता गोयल यांनी संचालकपदाचा राजीनामा दिला आहे. त्यांच्या राजीनाम्यानंतर गेल्या सहा महिन्यांपासून आर्थिक कोंडीत सापडलेल्या "जेट एअरवेज'ला बॅंकांकडून तातडीने 1500 कोटींचा निधी उपलब्ध झाला आहे. बॅंकांच्या अटी-शर्थींमुळे नाइलाजास्तव पायउतार व्हावे लागलेल्या गोयल यांची 25 वर्षांची अध्यक्षपदाची कारकीर्द संपुष्टात आली होती.
बुधवारी रात्री ईडीच्या अधिकाऱ्यांनी मुंबईतील त्यांच्या बलार्ड इस्टेट ऑफिसमध्ये चौकशी केल्यानंतर त्यांच्या निवासस्थानी छापे टाकले. यानंतर त्यांना फेमा कायद्यांतर्गत ताब्यात घेण्यात आले. त्यांच्यावर आर्थिक गैरव्यवहाराच्या आरोपांतर्गत गुन्हा दाखल होण्याची शक्यता आहे. जेटकडून करण्यात आलेल्या 12 वर्षांतील आर्थिक करारांची चाचपणी करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.