नवी दिल्ली - जेएनयू विद्यापीठाचे (JNU University) कुलगुरु एम जगदेश कुमार (M Jagdesh Kumar) यांची विद्यापीठ अनुदान आयोगाच्या (UGC) अध्यक्षपदी नियुक्ती करण्यात आली आहे. कुमार यांच्यासह दोन इतर उमेदवारांची नावे या पदासाठी चर्चेत होती. यात पुणे विद्यापीठाचे कुलगुरु नितिन करमाळकर आणि IUAC चे संचालक अविनाश चंद्र पांडे यांचा समावेश होता.

प्राध्यापक डीपी सिंग यांच्या निवृत्तीमुळे युजीसीच्या अध्यक्षपदाची जागा रिक्त झाली होती. डीपी सिंग यांची २०१८ मध्ये या पदावर नियुक्ती झाली होती. इंजिनिअरिंग क्षेत्रात नाव कमावलेले जगदेश कुमार यांनी जेएनयु विद्यापीठात चांगलं काम केलं आहे. तसंच गेल्या काही काळात विद्यापीठात घडलेल्या वादग्रस्त घटना त्यांनी हाताळल्या आहेत.

एम जगदेश कुमार यांची २०१६ मध्ये जेएनयुच्या कुलगुरुपदी नियुक्ती करण्यात आली होती. जेएनयुमध्ये जेएनयू स्कूल ऑफ इंजिनिअरिंगची सुरुवात त्यांनी २०१८ मध्ये केली. त्यांच्या कार्यकाळात जेएनयुमध्ये अनेक बदल झाले. ३१ जानेवारीला प्राध्यापक जगदेश कुमार यांचा कुलगुरु पदाचा कार्यकाळ संपला होता.