नवी दिल्ली : कोरोना व्हायरसमुळे अनेक उद्योग-धंद्यांना मोठा फटका बसला. गेल्या काही दिवसांपासून बहुतांश व्यवहार ठप्पच आहेत. तसेच आर्थिक मंदीचे सावटही आहे. परिणामी, असंख्य नोकरदारांच्या नोकऱ्या गेल्या आहेत. त्यानंतर आता संसदीय दलाची बैठक झाली. या बैठकीत कोविड 19 संबंधी महत्त्वपूर्ण मुद्द्यांवर चर्चा करण्यात आली आहे.

ताज्या बातम्यांसाठी डाऊनलोड करा ई-सकाळचे ऍप   

कोरोना व्हायरसच्या महामारीमुळे 10 कोटींपेक्षा जास्त नोकऱ्या धोक्यात आल्या आहेत, असे या पॅनेलने सांगितले. या बैठकीत वरिष्ठ अधिकाऱ्यांचा सहभागही मोठा होता. 

स्टार्टअपला प्रोत्साहन देण्याचा मुद्दा

कोरोना व्हायरसमुळे अनेकांना नोकऱ्यांमध्ये मोठ्या अडचणींचा सामना करावा लागत असल्याचा मुद्दा उपस्थित करण्यात आला, असे पॅनेलच्या काही सदस्यांनी सांगितले. तसेच नोकरी ही कोणत्याही कुटुंबासाठी आशादायक गोष्टच आहे.

गुन्हेगारी वाढण्याची शक्यता

नोकऱ्या गेल्याने बेरोजगारीच्या प्रमाणात मोठी वाढ होण्याची शक्यता आहे. त्यामुळे आता सरकारने रोजगार निर्मिती करण्यासाठी नवे-नवे प्रकार अवगत करायला हवेत, असेही यामध्ये सांगण्यात आले.

पुण्याच्या बातम्या वाचण्यासाठी येथे ► क्लिक करा

स्टार्टअपवरही भर

पॅनेलच्या सदस्यांनी बैठकीत कोरोनामुळे नोकऱ्यांमध्ये झालेले नुकसान आणि स्टार्टअपला प्रोत्साहन देण्यासाठी आवश्यक मुद्द्यांवर भर दिला.

20 लाख कोटींचे पॅकेज

20 लाख कोटींचे आर्थिक पॅकेज उद्योग जगताला मिळाले आहे. त्यामुळे याचा मोठा दिलासा मिळाला आहे. पॅनेलने सांगितले, की 20 लाख कोटी रुपयांचे आर्थिक पॅकेजने उद्योगाला मोठा दिलासा दिला आहे. तसेच आत्मनिर्भर भारत अभियानांतर्गत अर्थव्यवस्थेला मजबूत करण्याचा मार्ग प्रशस्त आहे. 

पुण्याच्या बातम्या वाचण्यासाठी येथे ► क्लिक करा

पॅनेलच्या बैठकीत 13 सदस्यांचा सहभाग

कोरोना व्हायरसचा वाढता संसर्ग पाहता संसदीय पॅनेलच्या या बैठकीत 31 पैकी 13 सदस्यांनी सहभाग घेतला. काही सदस्यांनी भारत-चीन या दोन देशांतील तणावाच्या पार्श्वभूमीवर चीनी उत्पादन आणि पर्यायी स्त्रोतांवरही विचार केला.