Justice Abhijeet Gagopadhyay: लोकसभा निवडणुकीचा पारा आता चांगलाच चढायला लागला आहे. त्यामुळं अनेक राजकीय मंडळींचा पक्षांतराचा कार्यक्रमही सुरु होईल. पण यामध्ये एक अजबच पक्ष प्रवेश घडून येणार आहे. त्यानुसार, कलकत्ता हायकोर्टाचे न्यायमूर्ती ज्यांनी आज सकाळी आपल्या पदाचा राजीनामा दिला त्यानंतर दुपारी आपण आता भाजपत प्रवेश करणार आहोत असं जाहीरही केलं. आपल्या भाजप प्रवेशाची तारीखही त्यांनी जाहीर केली आहे. (Justice Abhijeet Gagopadhyay resigned as High Court judge in morning then announced to joined BJP in afternoon)

अभिजीत गंगोपाध्याय असं या न्यायमूर्तींचं नाव असून त्यांनी मंगळवार, ५ मार्च २०२४ रोजी सकाळी हायकोर्टात पोहोचले आणि त्यांनी आपला राजीनामा सुपूर्द केला. जस्टिस गंगोपाध्याय यांनी राष्ट्रपती द्रौपदी मुर्मू यांच्याकडं राजीनामा पोहोचवला आहे. तसेच त्याची कॉपी सरन्यायाधीश डीवाय चंद्रचूड आणि कलकत्ता हायकोर्टाचे मुख्य न्यायाधीश टीएस शिवज्ञानम यांना पाठवली आहे. (Marathi Tajya Batmya)

दरम्यान, एक दिवस आधीच म्हणजे ४ मार्च २०२४ रोजी न्या. अभिजीत गंगोपाध्याय यांनी म्हटलं होतं की, आपण न्यायमूर्ती म्हणून आपलं काम पूर्ण केलं आहे. काही वकिलांनी त्यांना न्यायमूर्तीपदाचा राजीनामा देण्याच्या निर्णयाचा पुनर्विचार करण्याचा आग्रह धरला होता.