Loksabha election 2024 : खासदार ब्रिजभूषण शरण सिंह यांनी काँग्रेसच्या संदर्भाने एक मोठा खुलासा केला आहे. त्यांनी दावा केला की, काँग्रेसच्या एका मोठ्या नेत्याने माझ्याशी संपर्क केला होता. केसरगंज लोकसभा मतदारसंघातून आघाडीकडून तिकीट देण्याची ऑफर त्यांनी दिली होती.

त्यावर ब्रिजभूषण सिंह यांनी त्या नेत्याला म्हटलं की, तुम्ही काँग्रेसमध्ये येण्याची ऑफर देताय पण माझ्याविरोधात आंदोलनाला बसलेलं प्रकरण संपलं का, तुमच्या मॅडमसोबत बोलणी झाली का.. त्यावर त्या मोठ्या नेत्याने सगळी बोलणी झाल्याचं म्हटलं.

ब्रिजभूषण पुढे सांगतात- मी तुम्हाला आज एवढा चांगाला का वाटायला लागलो. त्यावर ते मोठे नेते म्हणाले, सगळ्यांना माहिती आहे जर तुम्ही काँग्रेसमध्ये आलात तर उत्तर प्रदेशात काँग्रेस मजबूत होईल.. पण मी काँग्रेसची ऑफर फेटाळली, असं ब्रिजभूषण म्हणतात.

ब्रिजभूषण सिंह पुढे म्हणाले की, केसरगंजचे लोक रागात आहेत. मागच्या दीड वर्षांपासून मी षड्यंत्राचा शिकार झालो आहेत. त्यामुळे बस्ती, देवीपाटण, अयोध्या या भागात लोक संतप्त आहेत. हाच राग लोक मतदानातून व्यक्त करणार आहेत.

आपल्या राजकीय भविष्याबद्दल ब्रिजभूषण म्हणाले की, तेच होणार जे प्रभू श्रीराम ठरवतील. मी सहा टर्म खासदार आहे. एकवेळ माझी पत्नी खासदार होती, माझा मुलगा आमदार आहे. दुसरा मुलगा खासदार होईल, मी जनतेची सेवा करतच राहणार आहे.