नवी दिल्लीः नेहमी या-ना त्या कारणाने प्रसिद्धीच्या झोतात असणारी अभिनेत्री कंगना रणौतने निवडणूक लढवण्यासंदर्भात मोठं विधान केलं आहे. शिवाय आवडीचा लोकसभा मतदारसंघदेखील सांगितला. तिच्या राजकीय प्रवेशासंदर्भातलं हे मोठं विधान ठरु शकतं.
२०२४मध्ये हिमाचल प्रदेशच्या मंडी लोकसभा मतदारसंघामधून मला निवडणूक लढवायला आवडेल, असं कंगना म्हणाली. अनेक लोक आपल्याला राजकारणात येण्याविषयी विचारत असतात, असंही तिने सांगितलं.
एका चॅनेलला कंगनाने मुलाखत दिली. यावेळी तिने पंतप्रधान नरेंद्र मोदी आणि भाजपचं तोंडभरुन कौतुक केलं. आपला कोणीच विरोधक नाही हे मोदींना चांगलं माहिती आहे. राहुल गांधीचा सामना हा राहुल गांधींशीच आहे. त्यामुळे मोदींना कणखर विरोधक नाही, असंही ती म्हणाली.
बॉलिवूडबद्दल कंगना म्हणाली की, सध्या बॉलिवूडमध्ये घराणेशाही आहे. मात्र हे फार काळ चालणार नाही. कारण लोक बदलत आहेत. प्रेक्षक जागरुक झाले तर ही घराणेशाही संपुष्टात यायला वेळ लागणार नाही.
सध्या हिमाचल प्रदेशमध्ये विधानसभा निवडणुकीची रणधुमाळी सुरु आहे. यावरदेखील कंगनाने भूमिका मांडली. हिमाचल प्रदेशमध्ये आम आदमी पार्टीला फायदा होणार नाही, तिथले लोक स्वयंपूर्ण आहोत. त्यामुळे खोट्या भूलथापांना जनता बळी पडणार नसल्याचं कंगनाने सांगितलं.
वडील जय मोदी म्हणतात...
आमचं कुटुंब पूर्वी काँग्रेसी होतं. परंतु आता आम्ही २०१४पासून भाजपमय झालेलो आहेत. माझे वडील सकाळी उठून जय मोदी म्हणतात आणि सायंकाळी जय योगी म्हणतात. मोदी हे आमच्याच कुटुंबातील एक असल्याचं कंगनाने सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.