नवी दिल्ली : काँग्रेस पक्षाचे नेते कन्हैय्या कुमार यांनी आज मंगळवारी (ता.१८) पंतप्रधान नरेंद्र मोदी यांच्यावर टीका केली आहे. विचार करा जर टेलिप्राॅम्पटरच्या जागी लाय-डिटेक्टर असते तर काय झाले असते, असा शब्दांत ट्विटमध्ये त्यांनी मोदी यांना टोला लगावला आहे. पंतप्रधान नरेंद्र मोदी (Narendra Modi) यांनी सोमवारी (ता.१७) दावोस येथील आंतरराष्ट्रीय आर्थिक परिषदेला (World Economic Forum) संबोधित केले. या घटनेचा व्हिडिओ सध्या मोठ्या प्रमाणावर सोशल मीडियावर व्हायरल होत आहे. या व्हिडिओत पंतप्रधान मोदी यांचा गोंधळ उडाल्याचे दिसत आहे. अनेकांनी टेलिप्राॅम्पटरमध्ये अडथळा आल्याने मोदींचा गोंधळ उडाल्याची टीका केली आहे.(Kanhaiya Kumar Criticize PM Narendra Modi Over Teleprompter)

देशात आणि जगात मोदी यांच्या भाषणाची नेहमी चर्चा होत असते. बरेच जण म्हणतात की त्यांचे भाषण उत्स्फुर्त असते. कन्हैय्या कुमार (Kanhaiya Kumar) यांच्या टेलिप्राॅम्पटरवरुन मोदींवर केलेल्या टीकेवर अनेकांना ट्विटवर उत्तर दिले आहे. सोमनाथ पाल म्हणतात, देशाचे पंतप्रधान आपल्या भाषणासाठी स्वतः टेलिप्राॅम्पटरचा आधार घेतात. कदाचित यामुळेच त्यांनी आतापर्यंत एकही पत्रकार परिषद घेतलेली नाही. कारण रविश कुमारसारख्या पत्रकाराशी त्यांची गाठ पडली. आणि त्यांच्या कठिण प्रश्नांचे उत्तर ते देऊ शकले नाही तर देशासमोर...

टेलिप्राॅम्पटरला थँक्यू म्हणा, असे महरुख फिरदोस यांनी टीका केली.