बंगळूरु : ज्येष्ठ कन्नड अभिनेत्री भार्गवी नारायण (Bhargavi Narayan) यांचे जयानगर येथील राहित्या घरी सोमवारी (ता.१४) निधन झाले आहे. त्या ८४ वर्षांच्या होत्या. भार्गवी यांनी ६०० पेक्षा नाटकांमध्ये अभिनय केला आहे. तसेच असंख्य कन्नड (Kannad) टीव्ही आणि चित्रपटांमध्ये काम केले आहे. कुटुंबीयांनी दिलेल्या माहितीनुसार त्या वयोनुसार वेगवेगळ्या व्याधीने त्रस्त होत्या. त्यांनी सोमवारी साडेसात वाजता शेवटचा श्वास घेतला. ज्येष्ठ अभिनेत्या प्रकाश बेलावडी या त्यांच्या कन्या आहेत. (Kannad Actress Bhargavi Narayan Passes Away)

भार्गवी यांना साहित्य अकादमी पुरस्कार (Sahitya Academy Award) मिळाला होता. त्यांच्या शेवटच्या इच्छेनुसार त्यांचे देहदान सेंट जाॅन हाॅस्पीटलला करण्यात आले आहे. त्यांच्या आत्मचरित्र 'नानू भार्गवी' हे २०१२ मध्ये प्रकाशित झाले होते.