कानपूर : सरकारी जमिनीवरील अतिक्रमण हटवण्यासाठी आलेल्या अधिकाऱ्यांच्यासमोरच मायलेकीचा होरपळून मृत्यू झाल्याचा धक्कादायक प्रकार समोर आला आहे. उत्तरप्रदेशातील कानपूर येथे ही घटना घडली असून या प्रकाराचा व्हिडिओ सध्या सोशल मीडियावर व्हायरल झाला आहे. या भीषण घटनेमुळे कानपूर हादरलं आहे.
अधिक माहितीनुसार, उत्तर प्रदेशातील कानपूरमधील मैथा तालुक्यातील मडौली गावात हा प्रकार घडला आहे. या ठिकाणी ग्राम समाजाच्या जागेवर काही लोकांनी झोपड्या टाकून अतिक्रमण केलं होतं. हे अतिक्रमण हटवण्यासाठी मोठ्या प्रमाणावर पोलीस बंदोबस्तात अधिकारी पोहोचले होते.
हेही वाचा - अल्पमतातील निवाडे आणि सामान्य माणूस
पोलिसांनी अतिक्रमण हटवण्यास सुरूवात केली, तर एका कुटुंबातील महिलेने याला विरोध केला होता. त्याचवेळी अधिकाऱ्यांनी घरावर बुलडोजर चालवला पण त्याआधी या घराला आग लागली होती. आग लागलेली असतानाही बुलडोजर चालवल्याने घरात असलेल्या मायलेकीचा या घटनेत मृत्यू झाला आहे.
हे सर्व पोलीस आणि प्रशासकीय अधिकाऱ्यांसमोरचं घडल्यानं हे प्रकरण प्रशासनाच्या चांगलचं अंगलट येण्याची शक्यता आहे. या घटनेमध्ये या दोघींना वाचवायला गेलेल्या एक पोलीस अधिकारी देखील आगीमध्ये होरपळला. तर हा व्हिडिओ सध्या सोशल मीडियावर चांगलाच व्हायरल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.