अलाहबाद उच्च न्यायालयाच्या लखनऊ खंडपीठाने एक ऐतिहासिक निर्णय देताना सांगितले की, हिंदू विवाह कायद्यानुसार वैध विवाहासाठी कन्यादानाच्या विधीची गरज नाही.

न्यायाधीश सुभाष विद्यार्थी यांच्या खंडपीठाने सांगितले की, वैध हिंदू विवाहासाठी कन्यादान विधीची गरज नाही. वैध विवाहासाठी फक्त सप्तपदी पुसेशी आहे.

या टिप्पणीसह न्यायालयाने सक्षीदारांना पुन्हा न्यायालयात बोलवण्याची पुनरीक्षण याचिका फेटाळली.

न्यायालयाने आशुतोष यादव नामक व्यक्तीच्या याचिकेवर सुनावणी करताना हा निर्णय दिला आहे. या व्यक्तीने आपल्या सासरच्यांनी दाखल केलेल्या एका गुन्ह्यात लखनऊच्या अतिरिक्त सत्र न्यायाधीशांनी दिलेल्या आदेशाच्या विरोधात उच्च न्यायलयात आव्हान दिले होते.

सत्र न्यायालयाने सुनावणीवेळी म्हटले होते की, वैध हिंदू विवाहासाठी कन्यादान समारोह अनिवार्य आहे. जो विवाहावेळी पार पडले नाही. यावरुन वाद निर्माण झाला होता.

पुढे अलाहबाद उच्च न्यायालयाने हिंदू विवाह कायद्यानुसार वैध विवाहासाठी फक्त सप्तपदी पुरेसा आहे, त्यामुळे कन्यादान आवश्यक नाही.

दरम्यान आशुतोष यादव यांची पुनरीक्षण याचिका फेटाळताना उच्च न्यायालयाचे न्यायाधीश सुभाष विद्यार्थी यांनी म्हटले की, हिंदू विवाह कायद्यानुसार वैध विवाहासाठी 'सप्तपदी' म्हणजेच सात फेरे पुरेसे आहेत. त्यासाठी कन्यादानाच्या समोरोहाची गरज नाही.

वैवाहिक वादाशी संबंधित सुरू असलेल्या फौजदारी प्रकरणात दोन साक्षीदारांना पुन्हा न्यायलयात बोलवण्याची मागणी केली होती. जी न्यायालयाने फेटाळली होती. त्याच्याविरोधात याचिकाकर्त्याने उच्च न्यायालयात धाव घेतली होती.

परिणामी, न्यायालयाने असा निष्कर्ष काढला की कन्यादान विधीच्या संदर्भात फिर्यादीच्या साक्षीदारांची पुनर्तपासणी करणे खटल्याच्या निकालासाठी आवश्यक नव्हते. म्हणूनच न्यायालयाने कनिष्ठ न्यायालयाचा आदेश कायम ठेवत फेरविचार याचिका फेटाळून लावली.