नवी दिल्ली : हवाला प्रकरणात गंभीर आरोप असलेले कर्नाटकचे उपमुख्यमंत्री डी. के. शिवकुमार यांच्या परदेश दौऱ्याला विशेष न्यायालयाने सोमवारी परवानगी दिली. २९ नोव्हेंबर ते तीन डिसेंबर या कालावधीत दुबईला जायचे असून त्यासाठी परवानगी दिली जावी, अशी विनंती शिवकुमार यांनी केली होती.

‘सीओपी २८’ चे अध्यक्ष डॉ. सुलतान अहमद अल जाबेर तसेच संयुक्त राष्ट्रसंघाच्या सरचिटणीसांचे विशेष दूत मायकल ब्लूमबर्ग यांनी दिलेल्या निमंत्रणावरून ‘सीओपी-२८’ परिषदेला उपस्थित राहण्यासाठी दुबईला जायचे आहे.

त्यामुळे विदेश प्रवासाला परवानगी दिली जावी, अशी विनंती शिवकुमार यांनी केली होती. विशेष न्यायालयाने न्यायाधीश विकास धूल ही परवानगी दिल्याने शिवकुमार यांच्या दुबई दौऱ्याचा मार्ग मोकळा झाला आहे.