कर्नाटक विधानसभा निवडणूक 2023 साठी बुधवारी संपूर्ण राज्यात मतदान पार पडले. मतदानादरम्यान कोणताही त्रास होऊ नये आणि निवडणूक शांततेत पार पडावी यासाठी निवडणूक आयोग आणि जिल्हा प्रशासनाने कडेकोट बंदोबस्त ठेवला होता.

दुसरीकडे, कर्नाटकच्या विजयपुरा जिल्ह्यातील बसवनबागवाडी येथे लोकांनी दोन ईव्हीएम आणि व्हीव्हीपॅट फोडल्याचा प्रकार समोर आला आहे.

या घटनेचा एक व्हिडिओ समोर आला आहे. ज्यामध्ये लोक रागाने गाडीच्या ट्रंकमध्ये ठेवलेले ईव्हीएम मशीन बाहेर काढताना आणि तोडताना दिसत आहेत. व्हिडीओ शेअर करणाऱ्या व्यक्तीच्या म्हणण्यानुसार, भाजप आमदाराच्या गाडीमध्ये ईव्हीएम मशीन सापडल्याने तरसे इव्हीएममध्ये फेरफारीच्या अफवेमुळे लोकांनी ईव्हीएम वाहनावर हल्ला केला. त्यानंतर त्यांनी ईव्हीएम मशीन फोडली.

मिळालेल्या माहितीनुसार, विजयपुरा जिल्ह्यातील बसवना बागेवाडी तालुक्यातील मसाबिनल गावात, अनेक संतप्त ग्रामस्थांनी काही इलेक्ट्रॉनिक व्होटींग मशिन , व्हीव्हीपॅट (व्होटर व्हेरिफायेबल पेपर ऑडिट ट्रेल) मशीन्स आणि मतदान अधिकाऱ्यांच्या वाहनांची तोडफोड केली आणि त्यांची नासधूस केली.

सूत्रांनी दिलेल्या माहितीनुसार, अफवा पसरल्यानंतर हा प्रकार घडाल. पोलीस सूत्रांनी दिलेल्या माहितीनुसार, कर्नाटक विधानसभा निवडणुकीच्या मतदानाच्या दिवशी बुधवारी राज्यभरात किमान तीन ठिकाणी हिंसक घटना घडल्या आहेत.