बंगळुरू : कर्नाटक विधानसभा निवडणुकीच्या मतमोजणीला सुरुवात झाली आहे. राज्यभरातील 36 केंद्रांवर मतमोजणी होत आहे. दुपारपर्यंत कर्नाटक निवडणुकीच्या निकालाबाबत चित्र स्पष्ट होणार आहे.

कर्नाटकात विधानसभेच्या एकूण 224 जागा आहेत. बहुमताचा आकडा 113 आहे. भारतीय जनता पक्ष (भाजप) आणि काँग्रेस यांच्यात चुरस पाहायला मिळत आहे.

सध्या सुरवातीच्या कलांमध्ये राज्याचे मुख्यमंत्री बसवराज बोम्मई, काँग्रेस नेते सिद्धरामय्या, डीके शिवकुमार आणि जेडी (एस) चे एचडी कुमारस्वामी यांनी आघाडी घेतलीये. याशिवाय, सतीश जारकीहोळी, अंजली निंबाळकर, लक्ष्मी हेब्बाळकर, रमेश जारकीहोळी, शशिकला जोल्ले, निखिल कत्ती आघाडीवर असल्याचं दिसत आहेत. यामध्ये भाजप 81, काँग्रेस 102, जेडीएसनं 15 जागांवर आघाडी घेतली आहे.